ينطلق الفوكس من كراج عامودا باتجاه الحسكة محملاً بالركاب.

يستغرق الفوكس للوصول إلى الحسكة أكثر من ساعة بسبب الحفر والمطبات المنتشرة على طول الطريق.  

 رشاد عليكي سائق فوكس على طريق عامودا- الحسكة، يقول إن حالة الطريق السيئة تسببت بخسائر مكلفة، عدا عن الحوادث المرورية.

"ولله الزفت كله خربان.. كنا نقول رح يتصلح للطريق الدولي، إي هاد كمان ما صار وبعد الدولي خربان أكتر.. الطريق بيخرب دوزان ودواليب سياراتنا.. وبعد الدولي السيارة بتروح ع هاد الطرف وع هاد الطرف.. صار حوالي ست حوادث لهاد الشي.. إذا زبط الطريق رح يكون كتير منيح ولصالح الجميع".

في العام الفائت، بدأت الإدارة الذاتية بأعمال تحسين الطريق من خلال عمليات القشط تمهيداً لتعبيدها.

الرئيس المشترك للجنة البلديات في مقاطعة القامشلي، محمد حسين، أكد لآرتا إف إم أنهم يعتزمون إكمال مشروع تعبيد الطريق.

"في ميزانية مخصصة لطريق عامودا الحسكة، العام الماضي صار تأخر بالتنفيذ، لأسباب كتيرة متعلقة فينا وبالإدارة هالسنة رح يتجهز الطريق هو ضمن برنامج الإدارة".

 يعمل على طريق عامودا -الحسكة أكثر من خمسين سائقاً. يأمل جميعهم أن تسرع السلطات بإنهاء المشروع، حتى لا يتكرر سيناريو العام الماضي. 

تابعوا تقرير بريندار عبدو كاملاً، يقرؤه كاوا فقه..

ARTA FM · سائقو السرافيس يترقبون الانتهاء من تعبيد طريق عامودا والحسكة - 01/06/2021