طالبت الأسايش أصحاب صالات الأفراح في مقاطعة الجزيرة بتعيين موظفي أمن في الصالات للقيام بعمليات التفتيش لجميع الوافدين والضيوف دون استثناء.

كما منعت الأسايش دخول الأسلحة أو أيّة أجسام غريبة إلى الصالة باستثناء الأسلحة الخاصة بالأمن والتي يجب ترخيصها لدى الأسايش في مركز كل مدينة.

آرتا إف إم أجرت عدة استطلاعات لآراء السكان حول الاجراءات المتخذة من قبل الأسايش، ونشرت الاستطلاعات على الموقع وعلى صفحة آرتا على الفيسبوك.

العديد من متابعي الصفحة أدلوا أيضاً بآرائهم في التعليقات. فيما يلي باقة مختارة من هذه التعليقات، بهدف خلق مساحة لحوار حضاري وبنّاء عن هذا الموضوع.

Taha Hussein 
نحن في وقت صعب للغاية، وخاصة معظم إرهابيين العالم على حدودنا، في الرقة والموصل. إنها خطوة جيدة.

‏16 أكتوبر‏، الساعة ‏06:21 مساءً‏

Rustem Ehmed 
يا ريت العالم تحترم دم الشهداء. خطوة جيدة. إن شاء الله ما يصير شي بعد هالخطوة.

‏16 أكتوبر‏، الساعة ‏08:48 مساءً

Sid Nayif 

قرار حكيم، بس الأفضل الناس تعمل فرح ببيوتها لبين ما تخلص هالأزمة. والله يحمي أهلنا بروجآفا.

‏16 أكتوبر‏، الساعة ‏09:53 مساءً‏

Ximgen Omar 

خطوه جيدة. يجب أن يتم تفتيش [الضيوف] لأن ما حدث في الحسكة لم يكن بالقليل.

‏16 أكتوبر‏، الساعة ‏10:57 مساءً‏

جعفر شيمن 

مش ضروري العالم تعمل أعراس بالصالات وتجمع العالم. [خلي] يعملوا ببيوتهن وخلاص!

17 أكتوبر ، الساعة 2:00 مساءً

أحمد حسين 

عم يصرفوا مصاري كثير. خلي يجيبوا اثنين أو ثلاثة من حراس القاعة، أو حتى من الأسايش، ليفتشوا الناس عند الباب، مثل الديسكوهات يالخارج، وما حدا راح يدخل أي متفجرات.

‏16 أكتوبر‏، الساعة ‏06:14 مساءً‏

Gerzan Fehed Simo 

المفروض أصحاب العرس ما يدخلوا أي غريب عالصالة . طبعاً صاحب العرس بيعرف مين معزوم عالصالة.

أمس الساعة ‏12:33 ص‏

Fadl Krde 
فكرة جيدة، بس بعد شو؟ يا ريت من زمان هيك، قبل ما صار الانفجار بنادي السنابل.

‏16 أكتوبر‏، الساعة ‏06:30 مساءً‏

وائل علي 

الله يوفقكم والله يحميكم. بس بعد شو يا عمو؟ بعد ما راح أكتر من خمسين شهيد وكل شهيد بيسوا الوطن العربي بذاته. أنا برأيي إنه تلغوا جميع الحفلات، وشكراً.

‏16 أكتوبر‏، الساعة ‏09:24 مساءً‏

Srwan Bijw 

خطوة مباركة وصحيحة. كان لازم يساوا هالشي من زمان.

‏16 أكتوبر‏، الساعة ‏11:14 مساءً‏

Giwan Khalaf 

بعد 37 شهيد و اكتر من 80 جريح، اتذكروا يحطوا موظفين أمن.

‏16 أكتوبر‏، الساعة ‏11:28 مساءً‏

Lilan Mhmd 

دائما الإجراءات الاحترازية الأمنية عندنا تأتي بعد مجزرة كبيرة :(

17 أكتوبر, 10:00 مساءً

Saima Dalli 

هي مو لحماية الناس، هي لاستمرار شغل صالاتهم.

17 أكتوبر, 11:30 مساءً

Gewan Ramadan 

طريقة التفتيش غير راقية، وخاصة بالأعراس. هناك طريقة أفضل: وضع شخصين على باب الصالة لاستقبال الضيوف، أحدهم من طرف العريس والآخر من طرف العروس، وكل واحد سيتعرف على ضيوفه. وفي حال دخول شخص غير معروف للصالة، يتم الاستفسار عنه بشكل رسمي. وأيضاً يستطيع الضيوف نفسهم المساعدة بجلب بطاقات الدعوة معهم والتعريف بانفسهم بشكل ذاتي للشخصين.

‏16 أكتوبر‏، الساعة ‏06:53 مساءً‏

آراس مراد 

ما بتزبط معي. فرضنا قرار سليم من ناحية حماية العرس، هل هذه الحماية تزبط أيضا في خيم العزاء أو التجمعات السكنية أو في الأسواق أو في المدارس أو المشافي؟ لأنه الإرهاب لا يستهدف الأعراس فقط. الأفضلية تحديد مكان اللاجئين والغرباء من أبناء المناطق الأخرى وتقوية الاستخبارات ودراسة ملفات اللاجئين والوافدين.

‏16 أكتوبر‏، الساعة ‏10:39 مساءً‏

Hasan Siwan

الأفضل دخول الصالة ببطاقة الدعوة ومنع أي غريب من دخولها عن طريق فرز عنصرين.

‏16 أكتوبر‏، الساعة ‏08:38 مساءً‏

صلاح صالح

والله بادرة حلوة. بس متل ما بتعرفوا، إذا يجي واحد، يجيب كل الجيران معه. كمان من عدا الحاشية الصغار والكبار. والله لو يجيبوا بطاقاتهم معهم احسن.

‏16 أكتوبر‏، الساعة ‏10:00 مساءً‏

Azad Al Mohammed 

قرار سليم ولازم يتنفذ على الفور لسلامة المواطنين. أصلاً اللي بيفكروا شوي، ما بيعملوا لا أعراس ولا تجمعات، بغض النظر شو نوع التجمعات.

‏16 أكتوبر‏، الساعة ‏05:37 مساءً‏ 

Abdulrahman Jando 

قرار حكيم. أتمنى تطبيقه في كل المجالس والصالات لجميع المناسبات.

‏16 أكتوبر‏، الساعة ‏11:17 مساءً‏

Kamiran Bave Leyan 

القرار سليم بس إن شاء الله الشعب يتجاوب مع القرار.

‏16 أكتوبر‏، الساعة ‏06:46 مساءً‏

Jamel Fadel 

قرار سليم100%. بس أهم شي الشعب يتفهم الوضع وما يعارض.

‏16 أكتوبر‏، الساعة ‏07:51 مساءً‏

Slah Çolo 

قرار ليس بصحيح أبداً، خاصة التفتيش في المناسبات.

‏16 أكتوبر‏، الساعة ‏07:12 مساءً‏

Bave Mehamad 

في طريقة أحسن وأسلم للكل: خلي يلغوا الأعراس وكل [حدا] يعمل حفلة ببيته عالخفيف وخلصنا. ضروري الحفلات الكبيرة والنوادي لنصاص الليالي!

‏16 أكتوبر‏، الساعة ‏07:59 مساءً‏

Dareen Talate 

طبعاً بس مو حلوة يفتشوا. خلي يحطوا عالكرت انو كل واحد يجيب كرته معه.

‏16 أكتوبر‏، الساعة ‏08:11 مساءً‏

Amir Hakimian 

صالات الأفراح – طيب شو مشان صالات العزاء؟ كمان بدو يصير تفتيش؟

‏16 أكتوبر‏، الساعة ‏05:55 مساءً‏